الشـاعـر اللي مرسل لي قصيــده
مايدري إني ماأعرف ألف وأدور

على جناح الطير يرسل بريــده
وأنا على عاده ومذهب ودستور

ماأقدر أجاري قصده اللي يريــده
ولاني على كيفه بماقال مجبور

حرَه أنا ماني من أطرف عبـيــده
أمشي على كيفي ودربي على نـور

على المسنجر بالإضافه زهيــده
ماأحط عندي طاقم رجال طابور

بالله من عرفه وش اللي يفيــده
غير الغلط من دون تفكير وشعور

لا ويتشرهـ والرسايل عديــده
يقول ماترسل ولاانته بمسرور

أنا عنيده أشـهـد إني عـنـيــده
وأبـوي رباني على طيب وطهور

ماني من اللي بالتعارف سعيــده
يضحك عليها الـنـذل بالكذب والزور


أنا ترى بنت الرجِال الشديــده
ماأرضى بعيشة البغي والظلم والجور

عقلي براسي وآخذ اللي أريــده
واللي زعل ماهزَ شعره بهالكـور

دربي شرف وأحيا حياةٍ حميــده
وأعيش في جوٍ من الطهر مغمور

في العقل والزين وصفي فريــده
لاجيت بين البيض كأني من الحور

حـيـاي كاسـيـني وربـي يزيــده
عيبٍ علي لايمكن لطهري أبور

أبـوي شيـخ الجود والطيب بأيـده
شيخٍ حكيم ويـبـدي الرآي ويشور

وإن كنت شاعر ولك مده مديــده
تكتب ولك بين المحبين جمهور

بتشوف اسمي صار وسط الجريــده
وأصير مشهوره مثل ماإنت مشهور

جات الإجابه من مشاعر أكيــده
فيها تقول العيب منهي ومحظور

روح ترى ماني لقربك مزيــده
فارق وتلقى غيرنا وإنت مستور

دقـيـقـه .. خـلـكـم عـن فـاضـي الهـرج وسـخـيـف القيـل
شـذوذ الـعـاطـفه ( بـيـن الـبـنـات أصـبـح قـضـيـة جـيـل )
وش اللي بـدًل أوضــاع الـمـشـاعـر عـنـدنـا تـبـديـل ؟!
عـلاقـات .. وتـفـاهـات .. وعـجـايـب مـن هـنـا ... لـلـيـل
تـرى مـاعـاده لـعـاب الـذيـاب اللي وحـدْه يـسـيـل
حـيـايـا ( نـاعـمـة مـلـمـس تـمـيٍـل ضـعـفـن وتـمـيـل )
ثـقـافـتـهـن ثـقـافـة غــرب مـتـعـفـن وفـكـر دخـيـل
بـدايـتـهـن لعـب / ضحك / وسـعـة صـدر وغرام طويل

وماعاد منك هروب ~ ضاقت علي كل الدروب
يأحلى خيال في ناظري }
آن الأوان .. جيت أعترف لأجل أنّـي
[ بفقـدك ! ]

يـ أطيـب بشر } اشتقت لك ~
ياصافي النيّـة } اشتقت لك ~
يصرخ بهـا لسـاني بصوت منتهي / ولهان }
يرددها بكل شع ـور ..
اشتقت لك ~
للمرة المليون { 1000000 ..
اشتقت لك

إن كـل قلـب ٍ عـقـب شـرواك (مـحـظـور ) ...!

وماعاد منك هروب ~ ضاقت علي كل الدروب
يأحلى خيال في ناظري }
آن الأوان .. جيت أعترف لأجل أنّـي
[ بفقـدك ! ]

يـ أطيـب بشر } اشتقت لك ~
ياصافي النيّـة } اشتقت لك ~
يصرخ بهـا لسـاني بصوت منتهي / ولهان }
يرددها بكل شع ـور ..
اشتقت لك ~
للمرة المليون { 1000000 ..
اشتقت لك

إن كـل قلـب ٍ عـقـب شـرواك (مـحـظـور ) ...!

,’, صـــبـــآإآحــكـم شـعــر ,’,
{ أبيــــآت رآقـت لي .. أتـمـنـى تـرتـقـي لـذائـقـتـكـم }

يابنت بالك لايغرك شياطين
حذراك لايغرك كلام الذيابـه

يقول أحبك وأعشقك موت تدرين
أموت بك ياشوق شوق الكتابـه

ويقصلك قصة حياة المحبين
يقول أحبك وأنتظر منك إجابـه ,

’ ويفرشلك الورد الأحـمــر والبساتين

ويعطيك من حلو الكلام بذرابـه ,

,, والله يخسي ولد مطي لاتصدقين
ملعون خايب يخزن السم نابـه

تكفين ثم تكفين يابنت تكفيـــن
لاتدنسين اسمك ومنهو وفابـه ,,

أخوك لامنه قعد بالـدواويـــن
يقعد وراسـه فوق فـوق السحابـه ,,

يابنت والله سمعتك فوق الاثنين
سمعتك من سمعة عرب لك قرابـه ,,

سمعتك ثم سمعتك تسوى ملآيـيـن
ثم سمعتك ثم سمعتك والمهابـه ,,

وإن قـال أحبك افهمي وش تردين :
قولي المحبه بالردى لي معابـه ’’

وقوليله أهـلـي بالملاقى سلاطيــن
ودرب الدنس ( ياورع ) محدن مشابـه ,,

هذا كلامي وقولي اللي تقولين
اللي يـبـيـك يدل بـيــتــك وبابـه ,,

والخاتمه يابنت طعم العسـل زيــن
مير الـبـلا إليا دنسته الـذبـابـــه ,,

يوم اقبلت تمشي على الهون برفوق حييتها من فرحتي بالتلاقي وضميتها من شدت الوجد و الشوق وقبلتها من لهفتي و أشتياقي نسيت ما حولي من الناس بالسوق أثرن جبت العيد والعيد باقي لحظات عدت ما بها حس مخلوق الله كفانا اهل الحسد و النفاقي قلت العفو ياقمة الحسن و الذوق المعذرة ما كان هاذي أخلاقي لكن الهوا راعيه مجنون مطفوق يدري به اللي ذاق نار الفراقي

البارحة مـدري وش اللـي خذانـي
..........يوم اجنبوا عني من الضيقة اشملت ~

جيـت أتكلـم بـس عيّـا لسـانـي
..........ما كني إلا مرتكب ذنـب واخملـت ~

الله يسامـح مـن ذكـرت ونسانـي
..........وأنا أدري إنـي لاذكرتـه تجملـت ~

عانيـت وأدري كـل طيّـب يعـانـي
..........وعلى حساب طعوني الخضر جاملت ~

ياماخذوا منـي ولا احـدن عطانـي
..........من طيبتي في حق نفسي تساهلـت ~

عـزاي لامنـه تجـهّـم زمـانـي
..........يمّمت وجهـي للكريـم وتوسلـت ~

واللي يبـي قربـي وبعـدي لقانـي
..........أمشي على وضح النقاء ما تختّلت ~

يامن سكنـت اجمـل زوايـا كيانـي
..........ياما على نفسي عشانـك تحاملـت ~

مرات احس انك معي شخـص ثانـي
..........ومرات احس انك حبيبي وما زلـت ~

لاتفرح انـك دجـت بيـن المحانـي
..........لو ماتخون الذاكـره مـا تسللـت ~

عشان ماضيـك الجميـل وعشانـي
..........حاول تشيل من الوفا ربع ماشلـت

ماني على خبرك حبيبـي ترانـي
..........حتى عن اصغار الامانـي تنازلـت
..........ُُُُُ حتى عن اصغار الامــــاني تنــــازلت

يامسندي لومايل الوقت بـي مـال
ياولد أبويـه ياعظيـم العزايـم

يامعرب الجدّين من العـم والخـال
يانخوة المفزوع وقت الهزايـم

المرجله ياخوي هي طولـة البـال
هي العزم هي الصبر فالظلايـم

فيها الكـرم عـزه دلـه وفنجـال
فيها الكرامه عن ردى الطبع شايم

والدين لامنـّه خـذا القلـب منـزال
مشى طريق الحق وابليس نايـم

ومن لاعرف ربه في طيب الحـال
لابد وقت الضيق بالهـم هايـم

حتى صلاتك مع جماعات ورجال
في خيرها ياخوي نعم الغنايـم

ولامن نصف ليلك قم صفي البـال
ياعظم أجرك بين ساجد وقايـم

ولامن رفع ربَّي له كل الاعمـال
حسن الذكر لاقالوا فلان صايـم

وخلك شريف القصد ياطيب الفـال
سوء المقاصد فالبيوت الهدايـم

واحذر تبيع النفس في دب الأنـذال
وتتبع خوي ابليس راع النمايـم

النفس خيل لـك اذا كنـت خيـال
ومن لاقوى نفسه قوته الهزايـم

ولاصرت ماتدري لوش انت رجال
والله خسارة فيك ذبـح التمايـم

ღ مساء الخيراتღ



دَآئمَآ الحرُوف الآولَى تكُون صعبَه ومُحيّرَه ولكن

،

هُنَآ سآكُون بكُل حَآلآتي



؛
قَد تكُونُ الكلمَآت بلَآ مَعنى
آو آنني لَآ آُجيدُ نَثرَهَآ
آو رُبمَآ تَرفض الشَفَآفيّه

لكنني آجدُ نَفسي فيهَآ سااعبر عن كل ماابداخلي.
.
حبيت يكون لي هذه الصفحه بمثابة دفتري
عند اغلى البشر على قلبي انتوا ღ يااعضاء منتدي تيماء